Friday, September 24
Shadow

Nyarugenge-Mageragere:Abaturage bafashwe bari kunywa inzoga z’inkorano

Abaturage batandatu bo mu Murenge wa Mageragere mu Karere ka Nyarugenge bafatiwe mu cyuho bari kunywera inzoga mu rugo rwa mugenzi wabo rwahinduwe akabari muri iki gihe cyo kwirinda COVID-19.

Aba baturage bafatiwe mu Mudugudu wa Kankurimba, mu Kagari ka Kavumu mu ijoro ryo ku wa kabiri rishyira ku wa Gatatu tariki ya 3 Gashyantare 2021, mu mukwabo wo gufata abarenze ku mabwiriza yo kwirinda COVID-19 mu Murenge wa Mageragere.

Abafashwe barimo abagabo babiri n’abagore babiri ndetse bakaba barafashwe banywa inzoga z’inkorano zitujuje ubuziranenge.

Abafatiwe mu cyuho bemeye amakosa ndetse babisabira imbabazi, uretse ko bitababujije kugezwa muri Polisi.

Umunyamabanga Nshingwabikorwa w’Umurenge wa Mageragere, Ntirushwa Christophe, yavuze ko aba baturage banyweraga mu rugo rwahinduwe akabari.

Ati “Bafashwe barenze ku mabwiriza yo kwirinda COVID-19 bari kunywera inzoga mu rugo rusa nk’urwahinduwe akabari, tubafata ku bufatanye bw’inzego z’ibanze n’uz’umutekano.”

Yongeyeho ko bafashwe bagashyikirizwa inzego z’umutekano barahanwa ndetse n’akabari bafatiwemo gahita gafungwa. Yaboneyeho no gusaba abaturage kubahiriza amabwiriza ya COVID-19 kuko nta muti w’iki cyorezo uraboneka.

Imibare ya Polisi y’Igihugu igaragaza ko mu byumweru bibiri bishize, abantu bagenza amaguru 117,630 bafashwe barenze ku mabwiriza ya COVID-19, arimo kutambara neza agapfukamunwa, kurenza amasaha n’ibindi.

Hari abandi 2 066 bafashwe banywa inzoga cyangwa bazigurisha mu gihe utubari tutemerewe gukora. Imodoka zafashwe ni 2 218, moto ni 912 ndetse n’amagare 612.Abaturage bafashwe bari kunywa inzoga z’inkoranoNtirushwa Christophe, Umunyamabahanga Nshingwabikorwa w’Umurenge wa Mageragere yavuze ko aba baturage bafashwe ku bw’ubufatanye n’inzego z’umutekano

Leave a Reply

Your email address will not be published. Required fields are marked *