Sunday, March 7
Shadow

Urukiko rwategetse ko umugore ushinjwa uruhare mu rupfu rw’umugabo we arekurwa.

Urukiko rwisumbuye rwa Muha mu Burundi rwategetetse ifungurwa ry’agateganyo rya Christa Kaneza, umugore ushinjwa uruhare mu rupfu rw’umugabo we.

Ni inkuru yazamuye amarangamutima ya benshi mu minsi ishize ubwo uyu mugore yatabwaga muri yombi ashinjwa kwica umugabo bashakanye witwa Thierry Kubwimana, aho bivugwa ko yateguye kumwica nyuma y’amakimbirane ashingiye ku mitungo.

Aya mahano yabaye mu ijoro ryo ku wa 24 rishyira ku wa 25 Ugushyingo 2020, mu gace ka Gasekebuye, muri Komine Muha mu Mujyi wa Bujumbura.

Hari abantu n’imiryango bagaragaje ko uwo mugore adakwiriye kuburana afunzwe kubera ko yasize uruhinja yari yarabyaranye n’uwo mugabo, rwavutse umwaka ushize.

Ibinyamakuru byo mu Burundi byatangaje ko umwanzuro wo gufungura by’agateganyo Christa Kaneza wafashwe kuri uyu wa kabiri, nyuma y’ibyumweru bibiri ari mu buroko.

Abandi bagabo babiri bari bafungwanywe urukiko rwategetse ko baburana bafunzwe.

Kubwimana Thierry wishwe yari amaze igihe gito ashakanye n’umugore we, yize muri Kaminuza yo mu Burusiya, yakoraga imirimo inyuranye irimo kuba yarakoze muri sosiyete icukura amabuye y’agaciro y’Abarusiya aza kuhava ajya mu yitwa ‘Tanganyika Mining Company’ nyuma aza gusezera ajya kwikorera ku giti cye.

Kubwimana na Kaneza bashakanye mu ntangiro za 2020, ndetse baza no kwibaruka umwana wabo w’imfura muri uwo mwaka.

Mu ijoro ryo ku wa 24 rishyira ku wa 25 Ugushyingo, nibwo abantu batamenyekanye bateye uru rugo barasa Kubwimana, abaturanyi bahise batabaza ba bantu bamurashe baracika. Yahise ajyanwa mu bitaro bya Kira aza guhita yitaba Imana.

Inkuru bijyanye: Burundi: Inkuru y’umugore ukiri muto ushinjwa kwica umugabo we yateje impagararaKubwimana na Kaneza bari baherutse kwibarukaUbukwe bw’aba bombi bwabaye mu ntangiriro z’umwaka ushize. Bivugwa ko nyuma baje kugirana amakimbiraneKaneza yarekuwe by’agateganyo, babiri baregwa hamwe bakomeza gufungwa

Leave a Reply

Your email address will not be published. Required fields are marked *