Urukiko rukuru urugereko rwa Nyanza mu Ntara y’Amajyepfo , rwemeje ko Philbert Mugisha wayoboraga Akarere ka Nyamagabe arekurwa

Share

Kuri uyu wa kabiri tariki ya 19 Ukuboza 017 Urukiko rukuru urugereko rwa Nyanza mu Ntara y’Amajyepfo , rwemeje ko Philbert Mugisha wayoboraga Akarere ka Nyamagabe arekurwa.

Kuwa 17 Ugushyingo 2017 nibwo Polisi yemeje amakuru y’ifungwa ry’Umuyobozi w’Akarere ka Nyamagabe, Mugisha Philbert, aho yari afunganywe n’abandi bakozi batanu bakekwaho ibyaha birimo kunyereza umutungo wa Leta, nabo urukiko rukaba rwategetse ko barekurwa.

Urukiko rwategetse ko abari bafunganywe na Mugisha Philbert bazajya barwitaba buri wa mbere w’Ukwezi.Urukiko kandi rwavuze ko Philbert we atari muri abo bazajya bitaba.

Mu minsi ishize nibwo Mugisha yahagaritswe ku buyobozi bw’Akarere ka Nyamagabe n’Inama njyanama y’Aka Karere.Ni icyemezo cyafatiwe mu nama yabahuje kuri uyu wa 18 Ugushyingo 2017.

Fiacre Ndahindurwa, umuyobozi wa njyanama y’Akarere ka Nyamgabe yabwiye KT Radio ducyesha iyi nkuru ko iyo nama yateranye mu buryo busanzwe maze ngo bigahurirana n’uko Mugisha Philbert yafunzwe na Polisi y’Igihugu.

Yavuze ko muri iyo nama ariho hafatiwe umwanzuro w’uko Mugisha ahagarikwa ku buyobozi bw’Akarere.Yakomeje avuga iyo umuntu afunzwe atakarizwa icyizere kandi ko ubumunyangamugayo kuri we butangira gucyemangwa.

ukeneye serevise zacu watwandikira kuri nkusiramesh@yahoo.com

src.umuryango

Share

Leave a Reply

Your email address will not be published. Required fields are marked *

Scroll Up