Agahinda ku bavandimwe 3 bafite umubyibuho ukabije aho bose bapima ibiro 2000

Share
Agahinda  ku bavandimwe 3 bafite umubyibuho ukabije aho bose bapima ibiro 2000

Abantu batatu baturuka mu muryango umwe batewe ishavu n’agahinda gakomeye k’uburwayi bwabibasiye bukabatera umubyibuho ukabije. Aba bantu bavuga ko babayeho mu buzima bubagoye cyane, bahora bibaza aho bazakura ubushobozi bwo kugira ngo babe babagwa.

Aba bantu bose uko ari batatu ni abagore babiri n’umugabo umwe, ni ababyara bakaba bapima ibiro bisaga 2000 bose hamwe, ndetse babiri muri bo bakaba batabasha kwivana mu bitanda aho bahora biryamiye.

Naomi Anderson, Chitoka Light na Drew Stewart bavuga ko ubu burwayi bwabibasiye bwabaye karande mu muryango wabo ngo ndetse batabonye ubufasha ngo bivuze bashobora no gupfa kuko babona ubuzzima bwabo buri mu kaga gakomeye.

Drew Stewart w’imyaka 43 apima ibiro bisaga 670 avuga ko we nta cyizere afite cyo kuba umubyibuho we wagabanuka ngo kuko ubusanzwe akunda kwirira ibiryo bifite amavuta menshi.

Chitoka Light w’imyaka 49 amazez imyaka 3 yose adasohoka mu nzu ngo kuko ubusanzwe yibera mu gitanda, akaba avuga ko amaze kurambirwa ubuzzima bwo kuba mu buriri.

Naomi Anderson w’imyaka 30 we yavuze ko ubu burwayi bwabibasiye bukomeye cyane kandi ko abagize umuryango wabo bakwiye kugira icyo bakora vuba na bwangu hataragira abo buhitana.

Abaturanyi b’aba bantu bavuga ko umubyibuho ukabije wa’aba bantu nabo baba bawugizemo uruhare rukomeye ngo kuko muri kamere yabo habamo ikintu cyo gukunda ibiryo cyane ndetse ngo ugasanga barya ibyiganjemo ibinyamavuta.

Chitoka w’imyaka 49 yibera mu gitanda Chitoka avuga ko ubuzima bwo kwibera mu buriri bumugora cyane Naomi Anderson w’imyaka 30 Drew Stewart w’imyaka 43

src.ukwezi.com

Share

Leave a Reply

Your email address will not be published. Required fields are marked *

Scroll Up