Ubukungu

Imibare y’Ikigo cy’Igihugu cy’Ibarurishamibare, NISR, igaragaza ko mu mwaka wa 2019/2020 umusaruro w’ibikomoka ku buhinzi wazamutse 5% ugereranyije n’uko wanganaga mu 2018/2019 ariko ikagaragaza ko ku bihingwa nk’umuceri, ibirayi n’ibishyimbo wagabanutse. Ibi bikubiye mu bushakashatsi NISR yashyize hanze mu Ukuboza 2020, bugamije kwerekana ishusho y’uko urwego rw’ubuhinzi rwawusoje ruhagaze. Bukorwa ku bufatanye n’inzego zose zireberera urwego rw’ubuhinzi. Ubu bushakashatsi bubaye ku nshuro ya kabiri bwakozwe hagendewe ku makuru yavuye mu bihembwe byose by’ubuhinzi by’umwaka wa 2019/2020 ni ukuvuga igihembwe cya A (Nzeri-Gashyantare), igihembwe cya B ( Werurwe-Kamena) n’igihembwe cya C kiganzamo ubuhinzi bw’imboga, ibijumba bukorerwa mu gishanga n’ubw’ibirayi bukorerwa mu gace k’ibi...

Umunyamabanga wa Leta muri Minisiteri y’Ubuzima Ushinzwe Ubuzima bw’Ibanze, Dr. Mpunga Tharcisse, yatangaje ko hakurikijwe ubukana icyorezo cya Coronavirus gifite muri iyi minsi, ingamba zari zikwiriye zo kwirinda ikwirakwira ryacyo zagombaga kuba “kuguma mu rugo mu buryo bwa burundu”, ariko ibi bitakozwe kuko “byahungabanya imibereho y’abantu”. Dr. Mpunga yabigarutseho ubwo yasobanuraga impamvu leta yafashe ingamba zikakaye zigamije gukumira ikwirakwira rya Coronavirus, nyuma y’uko iki cyorezo kimaze kugera mu gihugu hose, ndetse hafi kimwe cya kabiri cy’abahitanywe na cyo bakaba baritabye Imana mu Ukuboza umwaka ushize, mu gihe imibare y’abarwayi barembye bari no ku byuma bibongerera umwaka umaze kugera kuri 39. Ibi byose byatumye mu Nama y’Abaminisitiri yateranye kuri uyu wa Mber...

Urwego rw’Igihugu rw’Imfungwa n’Abagororwa (RCS), rwirukanye burundu abacungagereza barimo abasuzofisiye n’abacungagereza bato bagera kuri 35 kubera amakosa yo mu kazi nkuko iteka rya Minisitiri ryo ryasohotse mu igazeti ya Leta kuwa 31 Ukuboza 2020 ribigaragaza. Abofisiye bato n’Abawada birukamywe n’Iteka rya Minisiitiri ryemejwe n’Inama y’Abaminisitiri yateranye kuwa 14 Ukuboza 2020 iyobowe na Perezida wa Repuburika Paul kagame . Hirukanywe burundu abofisiye bato 22 n’abawada bagera kuri 13 bo mu rwego rw’Igihugu rw’Imfungwa n’Abagororwa kubera amakosa yo mu kazi . Iri teka kandi ryazamuye mu ntera abofisiye barimo 110 bari bafite ipeti rya senior Sergeant bashyizwe ku ipeti rya Chief Sergeant . Hazamuwe kandi abari ku ipeti rya Sergeant bagera ku 392 bahawe ipeti rya Senior...

Polisi y’Igihugu yatangaje ko yataye muri yombi Umunyamabanga Nshingwabikorwa w’Umurenge wa Kibeho, Karegeya Jean Marie Vianney, ukekwaho kunyereza miliyoni 30 Frw zari gukoreshwa mu kubaka ibyumba by’amashuri muri uyu murenge. Karegeya afungiye kuri Sitasiyo ya Polisi ya Kibeho mu gihe iperereza ku cyaha akurikiranyweho ririmo gukorwa n’urwego rubishinzwe. Abayobozi batandukanye bakunze kumvikana muri dosiye z’abanyereje umutungo wagenewe kubaka ibyumba by’amashuri. Muri Kamena uyu mwaka hirya no hino mu gihugu hatangijwe iyubakwa ry’ibyumba by’amashuri 22 505 n’ubwiherero 31 932, bigamije gufasha kugabanya ubucucike mu mashuri n’ingendo ndende zikorwa n’abanyeshuri hamwe na hamwe. Urwego rw’Igihugu rushinzwe Ubugenzacyaha rwatangaje ko icyaha cyo kunyereza umutungo wa Leta a...

Urwego rw’Abanyamakuru Bigenzura (RMC) rwatangaje ko rwasubitse igikorwa cyo kwandika imiyoboro ya YouTube (channels) rwari rumaze iminsi rukora, ruvuga ko rugiye kongera kunonosora uburyo bwiza byakorwamo. Ibi RMC yabitangaje mu itangazo yasohoye kuri uyu wa 29 Ugushyingo 2020. Ni nyuma y’uko iki gikorwa cyo kwandika imiyoboro ya YouTube kitari cyavuzweho rumwe n’abantu batandukanye, aho hari abavugaga ko bidakwiriye. Iri tangazo ryashyizweho umukono n’umuyobozi wa RMC, Barore Cléophas, rigira riti “RMC yifuje gusobonura neza ko icyifuzo cyo kwandikisha imiyoboro ya YouTube cyatanzwe mbere na mbere n’abanyamakuru bakoresha YouTube mu kugeza amakuru ku babakurikira nk’abanyamakuru b’umwuga.” “RMC yahisemo kubanza kongera gukora izindi nyigo zisumbuyeho mbere yo gukora iki gikorwa...

Ubuyobozi bw’Akarere ka Ngoma bwatangaje ko mu mezi abiri buzaba bwujuje icyiciro cya mbere cy’umushinga wo kubaka gare nshya igezweho nyuma yo gusenya iyari isanzwe ikoreshwa. Ni gare izatwara amafaranga y’u Rwanda asaga miliyari imwe na miliyoni 800 Frw, ikaba izubakwa na Sosiyete Jali Investments imenyerewe mu kubaka ibikorwa remezo bitandukanye mu Rwanda. Umunyamabanga Nshingwabikorwa w’Akarere ka Ngoma, Kanayoge Alex, yabwiye IGIHE ko icyiciro cya mbere cy’uyu mushinga kitezwe kurangira mu mezi abiri kikazaba kigizwe na parking y’imodoka. Yagize ati “Nibyo koko gare yari ihari twarayisenye tuyimurira aho bita ku Karutaneshwa, hariya yari isanzwe hagiye kubakwa na Sosiyete yitwa Jali Investments. Baratangira kuhubaka gare igezweho muri uku kwezi kwa Mbere, turateganya ko mu m...