Friday, September 24
Shadow

Danny, yanyomoje amakuru amaze iminsi avugwa ko ari hafi gusezera gukina umupira w’amaguru,

Rutahizamu w’Ikipe y’Igihugu ‘Amavubi’ na APR FC, Usengimana Danny, yanyomoje amakuru amaze iminsi avugwa ko ari hafi gusezera gukina umupira w’amaguru, agasanga umugore we muri Canada.

Hamaze iminsi hari amakuru ko uyu rutahizamu wa APR FC n’Amavubi, Usengimana, ateganya kureka gukina umupira akajya kubana n’umufashe we, Nyangabire Francice, bashyingiranywe mu Ukuboza 2020.

Ifoto yagiye hanze igaragaza umwambaro w’uyu mukinnyi wari muri CHAN 2020, wasinyweho na bagenzi be bose bari kumwe muri Cameroun, yatumye benshi bakeka ko ryaba ari ryo rushanwa yaba akinnye mu Rwanda no mu Ikipe y’Igihugu ku buryo yaba yarasezewe na bagenzi be.

Bagenzi be IGIHE yavugishishije, bavuze ko byari ibisanzwe, buri wese wifuje ko yasinyirwa ku mwambaro nk’urwibutso, babimukoreye.

Abinyujije kuri Instagram, Usengimana Danny yanyomoje amakuru avuga ko yaba ari mu nzira zo gusanga umugore we muri Canada, akareka gukina, avuga ko ayo makuru adafite ishingiro.

Gusa, zimwe mu nshuti za hafi z’uyu mukinnyi zivuga ko amaze iminsi abitekerezaho ndetse hari abo yabwiye ko nta gihe kinini asigaje akina umupira w’amaguru mu Rwanda.

Amakuru IGIHE yamenye ni uko ashobora no gushakirwa ikipe yakinira ageze muri Canada nubwo yaba iri mu byiciro byo hasi.

Usengimana w’imyaka 25 y’amavuko (nk’uko ibyangombwa akiniraho bibigaragaza) yatangiriye umupira w’amaguru mu makipe y’abato ya Gasabo United na SEC Academy. Mu mwaka w’imikino wa 2014/15 yagiye mu Isonga FC, ayikinira umwaka umwe, aho yigaragaje ahita agurwa na Police FC.

Yahiriwe n’umwaka wa mbere w’imikino aba umukinnyi watsinze ibitego byinshi muri Shampiyona ya 2015/16 ndetse no muri shampiyona ya 2016/17, aho yayoboye abatsinze ibitego byinshi, atsinda 16 yanganyije na Hakizimana Muhadjiri mbere yo gutsinda 19.

Nyuma yo kugira ibihe byiza muri Police FC, uyu rutahizamu wari waratangiye guhamagarwa mu ikipe y’Igihugu guhera muri CHAN 2016, yabengutswe na Singida United yo muri Tanzania, ayikinira umwaka umwe.

Muri Kanama 2018, Usengimana Danny yerekeje muri Tersana Sporting Club yo mu Misiri, ariko ntiyahatinze kuko muri Gashyantare 2019 yerekanywe nk’umukinnyi mushya wa APR FC akinira kugeza ubu. Mu mwaka ushize w’imikino yatwaranye nayo igikombe cya shampiyona, ayitsindira ibitego 11.

Ni umwe mu bakinnyi 30 bari mu Amavubi yakinnye CHAN 2020, ndetse yakinnye umukino wa Uganda asimbuye Iradukunda Bertrand ku munota wa 72 mu gihe kuri Maroc yasimbuye Nshuti Dominique Savio ku munota wa 87.Usengimana Danny yavuze ko amakuru avuga ko agiye gusezera gukina agasanga umugore, nta shingiro afiteDanny Usengimana ni umwe mu bakinnyi 30 b’u Rwanda bakinnye CHAN 2020Rutahizamu wa APR FC n’Ikipe y’Igihugu mu myitozo i Douala muri CamerounUsengimana yakinnye imikino muri CHAN 2020, asimbuye Iradukunda na Nshuti Dominique Savio ku mukino wa Uganda n’uwa MarocDanny Usengimana amaze imyaka ibiri akinira APR CUmwambaro wambarwaga na Usengimana Danny muri CHAN 2020 wasinyweho na bagenzi be bari bagize Amavubi yakinnye iri rushanwaUsengimana Danny yasezeranye na Nyangabire Francine mu Ukuboza 2020

Leave a Reply

Your email address will not be published. Required fields are marked *