Saturday, June 12
Shadow

Urubuga rwa Facebook rwafunze urukuta rwa Minisitiri w’Intebe wa Israel, Benjamin Netanyahu,

Urubuga rwa Facebook rwafunze urukuta rwa Minisitiri w’Intebe wa Israel, Benjamin Netanyahu, rumuziza kurenga ku mabwiriza arugenga.

Netanyahu yahowe kuba yaranditse ku rukuta rwe ati “Niba ufite inshuti cyangwa undi wo mu muryango wawe ufite imyaka 60 utarakingirwa, ushobora kwandika hano amazina ye ndetse na nimero ye telefoni ya hanyuma nkamuhamagara nkamusaba kurwiteza”.

Facebook yavuze ko mu mabwiriza ayigenga, itemerera abantu kubaza abandi amakuru ajyanye n’ubuzima bwabo bwite, bityo kuba Netanyahu yabikoze kandi ari Umuyobozi Mukuru ari ukuyarengaho ari nayo mpamvu agomba gufatirwa uwo mwanzuro.

Ishyaka rya Netanyahu ryatangaje ko ibyatangajwe n’uyu muyobozi “byari bigamije gukangurira abantu bageze mu myaka 60 gufata urukingo hagamijwe kurokora ubuzima bwabo”.

Israel ni kimwe mu bihugu bimaze gutanga inkingo nyinshi, aho abaturage bagera kuri 30% by’abatuye icyo gihugu nibura bamaze guhabwa urukingo rumwe.

Ibi Netanyahu ari kubikora mu gihe yitegura amatora ategerejwe ku wa 23 Werurwe uyu mwaka, kandi ingingo y’itangwa ry’urukingo ikazagira uruhare mu kugena uko amatora ashobora kuzagenda.Benjamin Netanyahu yavanywe kuri Facebook

Leave a Reply

Your email address will not be published. Required fields are marked *