Monday, October 18
Shadow

Abantu barindwi barimo umwana w’imyaka 13 bishwe na Coronavirus mu Rwanda

Minisiteri y’Ubuzima kuri uyu wa Gatatu tariki 30 Ukuboza 2020 yatangaje ko abantu barindwi barimo umwana w’imyaka 13 bahitanywe na Coronavirus, mu gihe 122 aribo bayanduye.

Mu bahitanywe na Coronavirus harimo umwana w’umukobwa w’imyaka 13 wo mu karere ka Nyamasheke, abagabo batatu barimo uw’imyaka 51, uw’imyaka 60 n’uwa 63 bo mu mujyi wa Kigali, umugore w’imyaka 62 wo muri Kigali, umugabo w’imyaka 61 wo muri Gatsibo n’undi w’imyaka 66 wo muri Karongi.

Abapfuye kuri uyu wa Gatatu batumye umubare w’abamaze guhitanwa n’iki cyorezo kuva cyagera mu Rwanda muri Werurwe uyu mwaka bagera kuri 86.

Minisiteri y’ubuzima yatangaje ko abarwayi bashya banduye ari 122 mu bipimo 3409 byafashwe, bituma umubare w’abamaze kwandura bose mu gihugu ungana na 8250. Abakize ni 30, bikaba byatumye umubare w’abamaze gukira bose uba 6369 mu gihe abakirwaye ari 1795.

Abarwayi bashya 69 babonetse mu mujyi wa Kigali, Gakenke habonetse 18, Rusizi ni 8, Rubavu ni 7, Huye ni 5, Nyamasheke habonetse 4, Nyamagabe haboneka 3, Muhanga haboneka 2, Karongi ni 2, Kamonyi habonetse umwe, Gatsibo umwe, Nyabihu haboneka umwe na Nyagatare haboneka umwe.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi

Leave a Reply

Your email address will not be published. Required fields are marked *