December 2020 – URUVUGIRO

Dec312020 by adminNo Comments

Gitifu w’Umurenge wa Kibeho,ukekwaho kunyereza miliyoni 30 Frw yatawe muri yombi

Ubukungu

Polisi y’Igihugu yatangaje ko yataye muri yombi Umunyamabanga Nshingwabikorwa w’Umurenge wa Kibeho, Karegeya Jean Marie Vianney, ukekwaho kunyereza miliyoni 30 Frw zari gukoreshwa mu kubaka ibyumba by’amashuri muri uyu murenge. Karegeya afungiye kuri Sitasiyo ya Polisi ya Kibeho mu gihe iperereza ku cyaha akurikiranyweho ririmo gukorwa n’urwego rubishinzwe. Abayobozi batandukanye bakunze kumvikana muri dosiye z’abanyereje umutungo wagenewe kubaka ibyumba by’amashuri. Muri Kamena uyu mwaka hirya no hino mu gihugu hatangijwe iyubakwa ry’ibyumba by’amashuri 22 505 n’ubwiherero 31 932, bigamije gufasha kugabanya ubucucike mu mashuri n’ingendo ndende zikorwa n’abanyeshuri hamwe na hamwe. Urwego rw’Igihugu rushinzwe Ubugenzacyaha rwatangaje ko icyaha cyo kunyereza umutungo wa Leta a...

Dec312020 by adminNo Comments

Abantu barindwi barimo umwana w’imyaka 13 bishwe na Coronavirus mu Rwanda

Mu Rwanda

Minisiteri y’Ubuzima kuri uyu wa Gatatu tariki 30 Ukuboza 2020 yatangaje ko abantu barindwi barimo umwana w’imyaka 13 bahitanywe na Coronavirus, mu gihe 122 aribo bayanduye. Mu bahitanywe na Coronavirus harimo umwana w’umukobwa w’imyaka 13 wo mu karere ka Nyamasheke, abagabo batatu barimo uw’imyaka 51, uw’imyaka 60 n’uwa 63 bo mu mujyi wa Kigali, umugore w’imyaka 62 wo muri Kigali, umugabo w’imyaka 61 wo muri Gatsibo n’undi w’imyaka 66 wo muri Karongi. Abapfuye kuri uyu wa Gatatu batumye umubare w’abamaze guhitanwa n’iki cyorezo kuva cyagera mu Rwanda muri Werurwe uyu mwaka bagera kuri 86. Minisiteri y’ubuzima yatangaje ko abarwayi bashya banduye ari 122 mu bipimo 3409 byafashwe, bituma umubare w’abamaze kwandura bose mu gihugu ungana na 8250. Abakize ni 30, bikaba by...

Dec302020 by adminNo Comments

Gisagara:Gitifu yatawe muri yombi akekwaho gukubita umwana w’imyaka 15 agapfa

Mu Rwanda

Umunyamabanga nshingwabikorwa w’Umurenge wa Mukindo mu Karere ka Gisagara, Tumusifu Jerome, yatawe muri yombi akekwaho gukubita umwana w’imyaka 15 witwa Musabyamahoro Ethienne agapfa yatawe muri yombi. Abavandimwe ba Musabyamahoro Etienne, batuye mu Mudugudu wa Nyagafumberi, Akagari ka Saga babwiye itangazamakuru ko yapfuye aruka amaraso nyuma yo gukubitwa na gitifu w’Umurenge wa Mukindo afatanyije n’abapolisi. Bavuga kandi ko uyu mwana yakubiswe bamushinja ko ari umwe mu bateye amabuye imodoka ya gitifu. Abavandimwe ba nyakwigendera bavuze ko yapfuye aruka amaraso Ibinyujije ku rubuga rwa Twitter, Polisi yagize iti “Mwiriwe, aya makuru avuga iby’urupfu rwa Musabyamahoro Etienne wafatanywe n’abandi batubahirije amabwiriza yo kwirinda Covid-19 yamenyekanye. Naho ku ibijyanye n’...

Dec302020 by adminNo Comments

Urwego rw’Abanyamakuru Bigenzura (RMC) rwatangaje ko rwasubitse igikorwa cyo kwandika imiyoboro ya YouTube

Ubukungu

Urwego rw’Abanyamakuru Bigenzura (RMC) rwatangaje ko rwasubitse igikorwa cyo kwandika imiyoboro ya YouTube (channels) rwari rumaze iminsi rukora, ruvuga ko rugiye kongera kunonosora uburyo bwiza byakorwamo. Ibi RMC yabitangaje mu itangazo yasohoye kuri uyu wa 29 Ugushyingo 2020. Ni nyuma y’uko iki gikorwa cyo kwandika imiyoboro ya YouTube kitari cyavuzweho rumwe n’abantu batandukanye, aho hari abavugaga ko bidakwiriye. Iri tangazo ryashyizweho umukono n’umuyobozi wa RMC, Barore Cléophas, rigira riti “RMC yifuje gusobonura neza ko icyifuzo cyo kwandikisha imiyoboro ya YouTube cyatanzwe mbere na mbere n’abanyamakuru bakoresha YouTube mu kugeza amakuru ku babakurikira nk’abanyamakuru b’umwuga.” “RMC yahisemo kubanza kongera gukora izindi nyigo zisumbuyeho mbere yo gukora iki gikorwa...

Dec302020 by adminNo Comments

Ngoma:Gare izatwara amafaranga y’u Rwanda asaga miliyari imwe na miliyoni 800 Frw,

Ubukungu

Ubuyobozi bw’Akarere ka Ngoma bwatangaje ko mu mezi abiri buzaba bwujuje icyiciro cya mbere cy’umushinga wo kubaka gare nshya igezweho nyuma yo gusenya iyari isanzwe ikoreshwa. Ni gare izatwara amafaranga y’u Rwanda asaga miliyari imwe na miliyoni 800 Frw, ikaba izubakwa na Sosiyete Jali Investments imenyerewe mu kubaka ibikorwa remezo bitandukanye mu Rwanda. Umunyamabanga Nshingwabikorwa w’Akarere ka Ngoma, Kanayoge Alex, yabwiye IGIHE ko icyiciro cya mbere cy’uyu mushinga kitezwe kurangira mu mezi abiri kikazaba kigizwe na parking y’imodoka. Yagize ati “Nibyo koko gare yari ihari twarayisenye tuyimurira aho bita ku Karutaneshwa, hariya yari isanzwe hagiye kubakwa na Sosiyete yitwa Jali Investments. Baratangira kuhubaka gare igezweho muri uku kwezi kwa Mbere, turateganya ko mu m...

Dec302020 by adminNo Comments

Bobi Wine yatawe muri yombi

Mu Mahanga, Uncategorized

Robert Kyagulanyi uzwi nka Bobi Wine, umudepite utavuga rumwe n’ubutegetsi bwa Uganda, akaba umukandida mu matora ya Perezida ateganyijwe mu kwezi gutaha yatawe muri yombi. Daily Monitor yatangaje ko Bobi Wine yafashwe kuri uyu wa Gatatu mu Gace ka Kalangala kari rwagati mu gihugu hamwe n’abandi bari mu bamufasha mu bikorwa bye byo kwiyamamaza. Ntabwo icyatumye Bobi Wine atabwa muri yombi kiramenyekana gusa hari amakuru y’uko igipolisi cyari kiri gushaka uko kimwohereza mu Murwa Mukuru Kampala ngo abe ariho akurikiranirwa. Bobi Wine yaherukaga gutabwa muri yombi mu Ugushyingo uyu mwaka ubwo yashinjwaga kwiyamamaza binyuranyije n’amabwiriza yo kwirinda COVID-19. Uyu mugabo ni umwe mu bakandida batavuga rumwe na Leta bahabwa amahirwe mu matora azaba ahanganyemo na Yoweri Museven...

Dec302020 by adminNo Comments

Muri Amerika hageze ubwoko bushya bwa Coronavirus

Mu Mahanga

Muri Leta Zunze Ubumwe za Amerika hagaragaye umurwayi wa mbere ufite ubwoko bushya bwa Coronavirus. Uyu murwayi yatahuwe muri Leta ya Colorado, gusa icyarushijeho gushyira inzego z’ubuzima mu rujijo ni uko nta rugendo yigeze akorera mu bindi bihugu mu minsi ya vuba. Uyu murwayi yahise ashyirwa mu kato. Inzego z’ubuzima muri iki gihugu zatangaje ko ziri gukora ibishoboka byose kugira ngo zitahure abantu bose baba barahuye n’uyu murwayi. Leta Zunze Ubumwe za Amerika zigezemo ubu bwoko bushya bwa Coronavirus nyuma y’ibindi bihugu nk’u Bwongereza, Afurika y’Epfo, u Bufaransa na Denmark. Abahanga mu by’ubuzima bagaragaza ko ari ibisanzwe kuba virusi yakwihinduranya ariko bakemeza ko ubu bwoko bushya bwa Coronavirus buteye impungenge kuko bwandura vuba kurusha ubwari busa...

Dec302020 by adminNo Comments

Huye: Umurambo w’umusore utaramenyekana watoraguwe mu ishyamba

Uncategorized

Umurambo w’umusore uri mu kigero cy’imyaka 35 y’amavuko wasanzwe mu ishyamba riri mu Murenge wa Ngoma mu Karere ka Huye mu gitondo cyo kuri uyu wa Gatatu. Uwo murambo wabonywe n’abana bari bari gutashya inkwi muri iryo shyamba riri munsi ya Kaminuza y’u Rwanda ishami rya Huye, bahita babibwira abaturage, nabo babimenyesha ubuyobozi. Urwego rw’Igihugu rw’Ubugenzacyaha, RIB, rwahise ruhagera rutangira ipereza kugira ngo hamenyekane amakuru y’urupfu rwe. Umwe mu babonye umurambo we yavuze ko yabonye usa n’aho uhamaze igihe kuko watangiye kwangirika. Bakeka ko ari umusore witwa Cyuma wari usanzwe akora akazi k’ubukarani mu Mujyi wa Huye. Umuyobozi w’Akarere ka Huye, Sebutege Ange, yavuze ko uwo musore ataramenyekana neza ariko amakuru y’ibanze bamenye ari uko yakoraga akazi k’u...