Saturday, September 26
Shadow

Mali:Perezida Keita yatawe muri yombi

Share

Perezida wa Mali, Ibrahim Boubacar Keita, yatawe muri yombi ku gicamunsi cyo kuri uyu wa Kabiri n’abasirikare bigumuye, akaba yafatiwe mu murwa mukuru Bamako.

 

Nk’uko Reuters ibikesha abantu babiri bo mu nzego z’umutekano, Perezida Keita yatawe muri yombi n’abasirikare bigumuye bo mu birindiro by’ahitwa Kati hanze ya Bamako, bafatanyije n’abasivili.

Radiyo Mpuzamahanga y’Abafaransa (RFI), yatangaje ko na Minisitiri w’Intebe wa Mali, Boubou Cissé, yatawe muri yombi.

Umuvugizi w’abasirikare bigumuye yatangaje ko ari bo bagenzura Perezida Keita na Minisitiri w’Intebe. Yakomeje avuga ko babasanze mu rugo rwa Perezida kandi kugeza ubu bari mu biganza by’aba basirikare.

Mu kwezi gushize, Perezida Ibrahim Boubacar Keïta yasheshe urukiko rurinda Itegeko Nshinga, mu kugerageza guhosha imvururu zari zatewe n’abantu biciwe mu myigaragambyo.

Ni nyuma y’uko uru rukiko muri Werurwe rutesheje agaciro ibyavuye mu matora y’abadepite.

Perezida Keita amaze igihe ku gitutu cy’abatavuga rumwe n’ubutegetsi batishimiye uko akomeje kwitwara mu guhangana n’ikibazo cy’umutekano muke uterwa n’imitwe y’intagondwa zigendera ku mahame akaze y’idini ya kiyisilamu, ubukungu bujegajega ndetse n’amatora y’abadepite ataravuzweho rumwe.

Mu cyumweru gishize hakaba harubuye imyigaragambyo isaba Perezida Boubacar Keita Kwegura.

Biravugwa ko Perezida Keita yatawe muri yombi

 2,065 total views,  1 views today

5 Comments

Leave a Reply

Your email address will not be published. Required fields are marked *

Scroll Up