Thursday, July 2
Shadow

Abarwanyi bagera kuri 44 ba Boko Haram basanzwe muri gereza yo muri Tchad aho bari bafungiye bapfuye. Birakekwa ko barozwe.

Abarwanyi bagera kuri 44 ba Boko Haram basanzwe muri gereza yo muri Tchad aho bari bafungiye bapfuye. Birakekwa ko barozwe.

Kuwa Kane w’iki Cyumweru nibwo abo bantu bagaragaye bapfuye nkuko byatangajwe n’Umushinjacyaha Mukuru wa Tchad, Youssouf Tom.

Yavuze ko isuzuma ry’imirambo ryakozwe, ryagaragaje utuntu duto mu mubiri twatumye imitima y’izo mfungwa ihagarara, abandi bakananirwa guhumeka.

Abapfuye ni bamwe mu bantu 58 bafashwe mu mpera za Werurwe bakekwaho kuba mu mutwe wa Boko Haram.

Umushinacyaha Mukuru yavuze ko imirambo 40 y’abo bantu yamaze gushyingurwa, mu gihe ine yagiye gusuzumwa. Yavuze ko iperereza rikomeje ngo hamenyekane intandaro y’urupfu rw’abo bantu.

Umwe mu bashinzwe umutekano yabwiye Ibiro Ntaramakuru by’Abafaransa, AFP ko izo mfungwa zishobora kuba zarazize gufatwa nabi kuko ngo zimaze gufatwa, zashyizwe mu cyumba kimwe uko ari 58 kandi ngo zajyaga zimara iminsi ibiri zitariye. Leta ya Tchad yahakanye ayo makuru.

Abakekwaho kuba abarwanyi ba Boko Haram bapfiriye muri gereza yo muri Tchad

 6,214 total views,  2 views today

Leave a Reply

Your email address will not be published. Required fields are marked *

Scroll Up