Thursday, July 2
Shadow

Raporo ya Komisiyo y’ubukungu muri Loni ishinzwe Afurika (CEA) ivuga ko abagera ku bihumbi 300 bazicwa na Coronavirus muri uyu mwaka.

Raporo ya Komisiyo y’ubukungu muri Loni ishinzwe Afurika (CEA) , yasohotse kuri uyu wa Gatanu, ivuga ko abagera ku bihumbi 300 bazicwa na Coronavirus muri uyu mwaka.

Ivuga ko mu gihe nta gikozwe gifatika mu kurwanya icyorezo cya Coronavirus, abantu bagera kuri miliyoni 3.3 bashobora guhitanwa n’iki cyorezo naho abagera kuri miliyari 1.2 bakayandura kuri uyu mugabane muri rusange.

Iyo raporo ivuga ko niyo abantu bakurikiza amabwiriza yatanzwe n’ubuyobozi yo gukaraba intoki, kwirinda amakoraniro y’abantu benshi, kuguma mu rugo n’izindi abarenga miliyoni 122 bashobora kwandura Coronavirus muri Afurika.

Raporo ivuga ko uko byagenda kose inzego zishinzwe ubuzima zisanzwe zicumbagira muri Afurika zizagorwa cyane n’imibare y’abazandura Coronavirus kandi uyu mugabane ukeneye miliyari 44$ mu bijyanye n’ibikoresho byo gupima, kwikingira no kuvura abanduye.

Coronavirus kandi izagira ingaruka z’uko abaturage bagera kuri miliyoni 30 bazajya mu bukene muri Afurika. Kugeza ubu muri Afurika abantu 20 476 bamaze kwandura Coronavirus, abamaze gupfa bageze ku 1,024.

Umugabane wa Afurika urasabwa gukaza ingamba zo kwirinda Coronavirus

 61,230 total views,  1 views today

Leave a Reply

Your email address will not be published. Required fields are marked *

Scroll Up