Thursday, July 2
Shadow

Icyorezo cya Ebola cyongeye kugaragara muri RDC nyuma y’igihe iki gihugu gihanganye na cyo

Ishami ry’Umuryango w’Abibumbye ryita ku buzima (OMS), ryatangaje ko mu cyumweru gishize hagaragaye abarwayi batanu bashya ba Ebola mu Burasirazuba bwa Repubulika Iharanira Demokarasi ya Congo (RDC), mu gihe Guverinoma yiteguraga gutangaza irangira ry’icyo cyorezo.

Ku wa 9 Mata mu mujyi wa Beni uri mu Burasirazuba bwa RDC hapfuye umuntu umwe azize Ebola, mbere y’iminsi ibiri gusa ngo Guverinoma itangaze irangira ry’icyo cyorezo cyahitanye abarenga 2 200 kuva kigaragaye muri Kanama 2018.

Umuyobozi wungirije ushinzwe ibikorwa bya OMS Boubacar Diallo, yavuze ko abandi bantu babiri bashya banduye barimo umugore w’imyaka 43 y’amavuko n’umumotari w’imyaka 28 wajyanye uwo wapfuye kwa muganga.

Yavuze ko bitazwi niba uwo mugore afite aho ahuriye n’uruhererekane rw’abanduye bashya ariko ko ubwo bwandu bwatumye Guverinoma ihagarika gutangaza irangira rya Ebola muri icyo gihugu.

Inkingo ebyiri nshya zagize akamaro mu guhangana na Ebola, ariko kuruhinyura kw’abaturage n’ibitero by’abitwaje intwaro, byatumye abakozi b’urwego rw’ubuzima batagera mu bice bimwe na bimwe byakozweho n’icyo cyorezo.

Reuters yanditse ko ku wa Kane mu gitondo abigaragambya bafunze imihanda igana Beni bakoresheje amabuye bamagana abayobozi bari mu bikorwa bya nyuma byo kurandura Ebola.

Mu mpera z’umwaka ushize ibitero byagabwe ku bigo nderabuzima byo muri ako gace bituma amatsinda y’abatangaga ubufasha ahagarika ibikorwa.

Ebola yongeye kugaragara muri RDC mu gihe ihanganye na Coronavirus yazahaje Isi muri iki gihe. Coronavirus imaze kugaragara ku bantu 307 muri RDC. Muri bo 25 yarabahitanye naho 26 barayikize.

Icyorezo cya Ebola cyongeye kugaragara muri RDC nyuma y’igihe iki gihugu gihanganye na cyo

 28,833 total views,  1 views today

Leave a Reply

Your email address will not be published. Required fields are marked *

Scroll Up