Saturday, September 19
Shadow

Ibiciro by’ibikomoka kuri peteroli byaguye kubera Coronavirus

Share

Ihungabana ry’ubukungu bw’Isi kubera icyorezo cya Coronavirus riri kurushaho kototera bimwe mu bikorwa bisanzwe bifatwa nk’inkingi za mwamba bushingiyeho.

Nyuma yo guhungabana kw’amasoko y’imari n’imigabane hirya no hino ku Isi, ubu ibiciro by’ibikomoka kuri peteroli na byo byaguye hasi cyane ku rugero rwaherukaga kubaho mu myaka 18 ishize.

Kuri uyu wa Mbere, tariki ya 30 Werurwe 2020, akagunguru kamwe ka peteroli karamutse kari kugura amadolari ya Amerika 22.58; ni igiciro kiri munsi y’icyaherukaga mu Ugushyingo kwa 2002.

Campos de Petróleo: O Refino do Petróleo ( Petroleum Refining )

Kuva mu kwezi gushize, igiciro cy’akagunguru kamwe ka peteroli kimaze kugabanukaho asaga kimwe cya kabiri cy’ayo kaguraga mu gihe ibigo bicukura peteroli byari bitarafata umwanzuro wo kugabanya ingano y’iyo bicukura cyangwa ngo bimwe bihagarike gukora burundu.

Ibi byanatangije intambara y’ibiciro hagati ya Arabie Saoudite n’u Burusiya nyuma y’aho iki gihugu kinaniwe kumvisha u Burusiya ko bugomba gushyigikira umugambi wo kugabanya ingano ya peteroli icukurwa n’ibihugu byo mu Muryango wa OPEC byari bimaze kwemeranyaho.

Iki cyemezo cyatewe nuko inganda zose zo ku Isi zari zatangiye kugabanya ingano ya peteroli zicukura kuko uburyo bwose bwo gutwara ibicuruzwa bwari bwahagaze mu bihugu byose kubera ingamba zo guhangana no kurwanya ikwirakwira ry’icyorezo cya Coronavirus.

Abasesenguzi bavuga ko ingamba zo guhangana na Coronavirus zizatuma gukenera ibikomoka kuri peteroli byose bigabanuka ku rugero rwa 20%, bitume ibigega byo hirya no hino bikama.

Leta Zunze Ubumwe za Amerika iri ku mwanya wa mbere mu bihugu bicukura peteroli yatangiye gusabwa gushaka uko yakuraho amafaranga acibwa abacukuzi ndetse igashaka uko itumiza peteroli mu bindi bihugu mu rwego rwo kongera iri mu bigega byayo.

Hari amategeko yari asanzwe agenga abacukuzi ku ngano ya peteroli batagomba kurenza mu gihe bacukura muri Leta Zunze za Amerika, mu rwego rwo gusigasira igiciro ku isoko mpuzamahanga; gusa aya mategeko ntiyari agikurikizwa hirya no hino kuko inzego za leta zo muri iki gihugu zari zifite ububasha bwo kwishyiriraho amabwiriza y’ubucukuzi.

Ibiciro by’ibikomoka kuri peteroli byaguye cyane kubera Coronavirus

 41,249 total views,  1 views today

Leave a Reply

Your email address will not be published. Required fields are marked *

Scroll Up