Perezida wa Nigeria, Muhammadu Buhari, yategetse ko hakoreshwa ibitero by’indege mu kurwanya amabandi,

Perezida wa Nigeria, Muhammadu Buhari, yategetse ko hakoreshwa ibitero by’indege mu kurwanya amabandi, abashimuta abantu n’abanyaga inka mu bice by’amashyamba azengurutse leta eshatu z’ingenzi zo mu Majyaruguru no Hagati muri icyo gihugu.

Yabitangaje nyuma yuko ku wa Gatandatu abantu bitwaje intwaro bishe abaturage 11, bashimuta abagore bane mu bitero byagabwe ku baturage muri Leta ya Niger nkuko byatangajwe n’ibinyamakuru birimo Sahara Reporters na The Daily Sun.

Perezida Buhari yagaragaje ibyo bitero bikunze kuba muri Niger, Kaduna na Zamfara nk’ikiza avuga ko kubagabaho ibitero hakoreshejwe indege aribwo buryo bwiza bwo gukoresha ahantu hatanyurwa n’ibinyabiziga mu bice bikunze kwibasirwa n’ibyo bitero.

Ubutumwa Ibiro bya Perezida wa Nigeria byanyujije kuri Twitter, bugira buti “Perezida Muhammadu Buhari yamaze kwemerera ingabo zirwanira mu Kirere, kohereza ubufasha bwo kunganira ingabo na Polisi boherejwe kurwanya amabandi, abashimuta abantu n’abanyaga amatungo mu gice cy’ishyamba rizengurutse Kaduna, Niger na Zamfara.”

Izo ndege zikazunganira ingabo zamaze koherezwa ku butaka. Ingabo za Nigeria zirwanira mu Kirere zamaze kugeza ubufasha bw’ibitoro muri Niger, Minna, zizafasha muri ibyo bikorwa.

Mu ntangiriro z’uku kwezi abantu bitwaje intwaro bishe abaturage batandatu, bakomeretsa batanu, bashimuta abandi muri Leta ya Kaduna.

Perezida wa Nigeria, Muhammadu Buhari yategetse ko kahoreshwa ibitero by’indege mu kurwanya amabandi, abashimuta abantu n’abanyaga inka

6,342 total views, 1 views today

Leave a Reply

Your email address will not be published. Required fields are marked *

Scroll Up