Tuesday, September 29
Shadow

Reeka mbaratire ubutwari bw’Ingabo z’u Rwanda.

Share

Ingabo z’u Rwanda mvuga zavutse ku tariki 01/10/1990; zitwa RPA-Inkotanyi ari nazo ubu twita RDF. Zavukanye ubutwari kandi zikomeje kubigaragaza kugeza uyu munsi. Reka dusubize amaso inyuma gato mbere ya 1990, 1994 na nyuma yaho muri za 1998 mu gihe cy’abacengezi no kugeza ubu mu 2017 mbaratire ubutwari bw’Ingabo z’u Rwanda.

Image result for INGABO ZA RPF INKOTANYI

Abenshi mu bari bagize Ingabo z’u Rwanda muri 1990 bavukiye kandi bakurira mu mahanga hirya no hino ku Isi aho ababyeyi babo bari barahungiye; bamaze kumeneshwa mu Rwanda na Parmehutu yari ishyigikiwe n’Ababiligi mu 1959.

Image result for ubudasa bw'ingabo z'urwanda

Babayeho mu buzima bubi nk’Impunzi. Ibyo ariko ntibyabaciye umugongo ngo bibabuze kugira ubutwari bwo guhora bashyize igihugu cyabo cy’u Rwanda ku mutima.

http://[embedyt] https://www.youtube.com/watch?v=3jw4SDbFFxo[/embedyt]

Bamwe muri izi Ntwari z’u Rwanda bagize amahirwe yo gukura bariga barangije babona imirimo itandukanye, ndetse abandi bahabwa n’ imyanya mu buyobozi bw’ ibyo bihugu barimo. Aha ndavuga nka Major General Gisa Rwigema, Perezida Paul Kagame, Minisitiri w’Ingabo, Gen. James Kabarebe n’abandi benshi, abaguye ku rugamba n’abakiriho. Aba bose bagize ubutwari bwo kwiyambura ayo mahirwe n’ibyubahiro bari bafite bafata iya mbere ku itariki 01/10/1990 bambuka imipaka basiga inyuma ababyeyi n’imiryango yabo baza kubohora u Rwanda.

Image result for ubudasa bw'ingabo z'urwanda

Ubutwari bw’Ingabo z’u Rwanda bwagaragaye cyane aho Major General Gisa Rwigema na bagenzi be; barimo Major Bayingana, Bunyenyezi, Kayitare n’abandi biciwe ku rugamba n’Ingabo z’uwahoze ari Perezida wu Rwanda, Habyarimana Juvénal. Abariho icyo gihe babyibuka muzi ko ku itariki 02/10/1990 no mu minsi mike yakurikiyeho kubohora u Rwanda kwari kumaze guhinduka inzozi cyane kuri Habyarimana Juvénal n’abambari be.

Image result for INGABO ZA RPF INKOTANYI

Ingabo z’u Rwanda/RPA-Inkotanyi, ntabwo zatezutse ngo zicike intege kubera ko zari zambuwe Intwari Gisa Rwigema. Zarisuganyije, zikomeza ubutwari; ziratinyuka zihangana n’izo nkoramaraso zari zitewe ingabo mu bitugu n’abambari bazo b’Abafaransa n’ibindi bihugu birimo n’ibihana imbibi n’u Rwanda harimo icyahoze ari Zaïre ya Mobutu.

Ubutwari bw’Ingabo z’u Rwanda bwongeye kugaragazwa na Perezida Paul Kagame amaze kumenya iyo nkuru y’incamugongo ko General Major Gisa Rwigema na bagenzi be biciwe ku rugamba, yahise ahitamo kwiyaka “imigisha” yo gukomeza amashuri y’ubumenyi buhanitse muri Amerika; afata indege igitaraganya aza kwifatanya na bake bari basigaye ku rugamba rwo kubohora u Rwanda. Ubwo butwari Ingabo z’u Rwanda zagize ntabwo buzibagirana mu mateka y’u Rwanda.

Image result for INGABO ZA RPF INKOTANYI

Twese tuzi ibyakurikiyeho harimo guhigwa bukware, inyota, inzara, imvura n’imbeho yo mu Birunga, amasasu baterwa aho bari bafite ibirindiro nko ku Murindi w’Intwari, ndetse no ku yahoze ari CND (Conseil National de Dḗvelopment) aho abasirikare 600 ba RPA bari bakwiye kurindwa na leta y’icyo gihe nk’uko byari biteganyijwe mu masezerano ya Arusha, nabo batewemo za gerenade.

Izi ngorane zose ntabwo zabujije Ingabo z’u Rwanda gukomeza ubutwari zisanganywe kandi zizahorana! Barwanye inkundura n’Interahamwe na Ex FAR bari bashyigikiwe n’Ingabo z’Abafaransa na “Opération Turquoise” yaje kwivanga mu bintu igihe RPA/Inkotanyi zari zirimbanyije zibohora u Rwanda.

Related image

Ubutwari bw’ Ingabo z’u Rwanda bwongeye kugaragara aho RPF-Inkotanyi batsinze urugamba rwo kubohora u Rwanda n’Abanyarwanda zigahagarika Jenoside yakorerwaga Abatutsi muri 1994. Interahamwe na Ex FAR bakwiriye imishwaro, abenshi bahungira muri Zaïre.

Abasigaye mu gihugu baragize uruhare rugaragara muri Jenoside yakorewe Abatutsi n’abatari bararugize ariko bitwa Abahutu, bari bafite ipfunwe n’ubwoba bibwira ko ingabo za RPA/RPF-Inkotanyi zizabica zihorera ababo bishwe. Siko byagenze ahubwo RPF/ RPA-Inkotanyi yimakaje mbere na mbere Ubumwe bw’Abanyarwanda.

Kubera ko bamwe mu bana b’u Rwanda bari barafashwe bugwate mu mashyamba ya Congo n’Interahamwe na Ex FAR, Ingabo z’u Rwanda zakoresheje ubutwari n’ubushishozi, zinjira muri Congo- Zaïre kubabohoza kandi zibacyura mu Rwanda! Ibi byakozwe Ingabo z’u Rwanda /RPA-Inkotanyi zizi neza ko zari zitaye mu menyo y’urugamba:

• Interahamwe na Ex FAR, Abafaransa n’ibindi bihugu byari bishyigikiye umugambi wa Jenoside n’Ingengabitekerezo byayo bari babategereje RPA-Inkotanyi; igihe cyose zizaba ziramutse zikojeje akarenge muri Mugunga Camp/ Zaïre .

• Imiryango mpuzamahanga nka Loni nabo bahise batera induru; ngo RPA-Inkotanyi yateye Zaïre guteza umutekano muke mu mpunzi.

Ingabo z’u Rwanda ntabwo zitaye kuri aya marangamutima ya Loni ahubwo zarakataje zikomeza kubohoza abana bu Rwanda; nubwo zatakaje abandi bake baguye muri icyo gikorwa, abandi bagakomereka bagasigarana ubumuga.

Miliyoni zirenga eshatu z’abana bu Rwanda zatahukanye ubwuzu zigaruka mu rwa babyaye vuba na bwangu; mu gikorwa umuntu yakwita “Operation RPA-Inkotanyi”, gitandukanye kure cyane na “Opération Turquoise.”

Ubutwari bw’Ingabo z’u Rwanda bwongeye kugaragara aho RPA/RPF-Inkotanyi barwanaga n’Interahamwe na Ex FAR mu gihe cy’abacengezi bwo mu 1996-1998.

 

Abacengezi bakoreraga ibikorwa byabo bibi birimo gusahura no kwica abantu mu bice by’u Rwanda bavukagamo bafitemo ababyeyi n’abavandimwe bari babashyigikiye mu ngengabitekerezo ya Jenoside.

Ntibyari byoroshye kurwana n’izi nterahamwe hirinzwe guhungabanya imibereho n’umutekano w’abandi Banyarwanda mu bice byari byiganjemo abacengezi. Ariko kubera ubutwari n’intumbero yo kubana n’abandi Banyarwanda bose ari ntavangura, RPA/RPF-Inkotanyi; bakoze ibishoboka byose barinda umutekano n’ubusugire bw’igihugu n’Abanyarwanda bose.

Interahamwe zafatirwaga muri ubwo bubisha ntabwo Inkotanyi zabicaga ahubwo zaberekaga ukuri zikabigisha gushyira intwaro hasi bakabana n’abandi bya kivandimwe.

Ubutwari bw’Ingabo z’u Rwanda bwongera kugaragara na none aho intambara y’abacengezi irangiriye na benshi bari bagize Ex FAR / FDLR bamaze gutsindwa bagatahuka.

RPA-Inkotanyi zahise ziyunga n’abahoze ari abanzi baravanga biyubakamo RDF, Ingabo z’u Rwanda. Ibi ntabwo amahanga na Loni bari bazi ko byashoboka.

Ubutwari bw’Ingabo z’u Rwanda,RDF, bukomeza kugaragara buri gihe muri iyi minsi aho ingabo zahoze muri Ex FAR /FDLR, n’Interahamwe batahukiye. RDF ibakirana amaboko yombi bose bagafashwa gusubira mu buzima busanzwe baciye i Mutobo. Ubu ni ubutwari n’ubudasa bw’Ingabo z’u Rwanda.

Mu gusoza reka twibuke ko kugeza uyu munsi tariki 01/02/2017, Ingabo z’u Rwanda zikomeza kwiyambazwa mu gucunga umutekano w’abantu n’ibintu atari mu Rwanda gusa ahubwo no mu bindi bihugu nka Sudani y’Epfo, Darfur muri Sudan, Centrafrique, Haiti n’ibindi.

Kubera ubutwari n’ubunyangamugayo; bikomeza kuranga Ingabo z’u Rwanda aho zisabwe gutanga umusanzu mu bihugu bitandukanye zizewe ko zizasohoza ubutumwa zatumwemo igihe cyose ubuziraherezo.

 5,178 total views,  2 views today

Leave a Reply

Your email address will not be published. Required fields are marked *

Scroll Up