Umuyobozi w’inyeshyamba za Raia Mutomboki yishikirije inzego z’umutekano

Umuyobozi w’inyeshyamba za Raia Mutomboki Shukuru, zirwanira mu Ntara ya Kivu y’Amajyepfo mu Burasirazuba bwa Congo, Gen Shukuru Kawaya, yashyize intwaro hasi yishyikiriza inzego z’umutekano.

Gen Shukuru Kawaya yemeye gushyira intwaro hasi yishyikiriza ingabo za leta ku wa mbere tariki 30 Nzeri 30.

Uko kumanika amaboko kuje gukurikira ibikorwa bikomeye by’ubukangurambaga bigamije gushishikariza imitwe yitwaza intwaro kuzishyira hasi. Ubu bukangurambaga bwakozwe n’ingabo za leta ya Congo (FARDC) mu kwezi gushize.

Colonel Doms yabwiye ikinyamakuru Laprunellerdc.info, gikorera muri Kivu y’Amajyepfo ko “Generali yiyemeje kuva mu mashyamba yakirwa n’inzego z’umutekano i Meshere ku wa mbere tariki ya 30 Nzeri 2019 mu birometero 28 uvuye ku gasanteri ka Bulambika, maze bazamukana Bulambika”.

Gen Shukuru Kawaya abaye umuyobozi wa kabiri w’umutwe wa Raia Mutomboki Shukuru uvuye mu mashyamba, nyuma y’aho mu kwa Gatatu hafashwe Raymond Kabishula ari kumwe n’abarenga 40.

Umutwe w’inyeshyamba wa Raia Mutomboki Shukuru washinzwe mu 2013 uvuga ko urwanya leta ishaka gutwara ubutaka bahinga ngo ihagurire Pariki y’igihugu ya Kahuzi-Biega, iherereye hagati ya Kivu y’Amajyepfo, iy’Amajyarguru na Maniema.

Kuva mu 2017 kugeza ubu uyu mutwe wahitanye abarenga 52 mu bitero bigera kuri 33 wagabye, ufata ku ngufu abatabarika.

Sosiyete sivile muri Congo yahise isaba leta ko abemeye gushyira intwaro hasi bajya bafashwa gusubira mu buzima busanzwe hirindwa ko basubira mu mashyamba.

Gen Shukuru Kawaya abaye umuyobozi wa kabiri w’umutwe wa Raia Mutomboki Shukuru uvuye mu mashyamba

Leave a Reply

Your email address will not be published. Required fields are marked *

Scroll Up