Polisi yataye muri yombi abantu babiri barimo umugore wafashwe afite ibiro birenga 30.

Polisi yataye muri yombi abantu babiri bo mu Karere ka Rubavu na Rulindo barimo umugore wafashwe afite ibiro birenga 30.

Abo bantu bafashwe ku wa 09 Nzeri, barimo umugore w’imyaka 32 y’amavuko wafatiwe mu Karere ka Rubavu mu Murenge wa Rubavu mu kagari ka Buhaza afite ibiro 30 by’urumogi n’undi w’imyaka 36 y’amavuko wafatiwe mu Karere ka Rulindo, umurenge wa Shyorongi afite udupfunyika 1300 tw’urumogi.

Umuvugizi wa Polisi mu Ntara y’Iburegerazuba, CIP Emmanuel Kayigi yavuze ko uwafatiwe i Rubavu yafashwe biturutse ku makuru yatanzwe n’abaturage b’aho yafatiwe.

Ati “Kuko abaturage bamaze gusobanukirwa ububi bw’ibiyobyabwenge batanze amakuru kuri Polisi ikorera mu Murenge wa Rubavu ko hari umuntu babonye afite urumogi aturukanye muri Repubulika Iharanira Demokarasi ya Congo niko guhita bajyayo baramufata.”

CIP Kayigi yavuze ko umugabo w’imyaka 30 wafashwe nta byangombwa afite bimuranga yafatiwe mu Karere ka Rulindo mu Murenge wa Rusiga n’abapolisi b’ishami rishinzwe umutekano wo mu muhanda ubwo bari mu kazi, mu modoka yavaga mu Karere ka Rubavu yerekeza i Kigali.

Yagize ati “Abapolisi bari mu kazi mu muhanda bahagaritse imodoka babajije umushoferi ibyangombwa byose arabyerekana, abapolisi bagira amakenga y’igikapu bari bashyize ku ntebe iticayeho umuntu niko kugisaka basangamo urumogi babajije abagenzi bari mu modoka bavuga ko nyiracyo.”

CIP Kayigi akomeza avuga ko abapolisi basatse muri icyo gikapu basanzemo amatike y’imodoka ya Kigali Coach yagenderagaho Kigali- Rubavu, n’indangamuntu y’umugore we abona kwemera ko urwo rumogi ari urwe. Yongeraho ko urwo rumogi yari arukuye mu Karere ka Rubavu arujyanye mu Karere ka Rwamagana.

Image result for Uwineza Christine urumogi

Yibukije ko ibiyobyabwenge bigira ingaruka ku muntu ubicuruza, ababinywa ndetse no ku muryango nyarwanda muri rusange; binakurura kandi ibindi byaha biteza umutekano mucye nk’urugomo,intonganya mu miryango ,gukubita no gukomeretsa, gufata kungufu n’ibindi. Niyo mpamvu kubirwanya bikwiye kuba ibya buri wese.

Aba uko ari babiri bashyikirijwe Urwego rw’Igihugu rw’Ubugenzacyaha (RIB) kugira ngo hatangire gukorwa iperereza ku cyaha bakekwaho.

Mu gihe icyaha cyabahama bahanishwa igifungo cya burundu n’ihazabu y’amafaranga y’u Rwanda agera kuri miliyoni makumyabiri ariko atarenze miliyoni mirongo itatu ku byerekeye ibiyobyabwenge bihambaye harimo n’urumogi nk’uko biteganywa n’ingingo ya 263 mu gitabo giteganya ibyaha n’ibihano mu Rwanda.

Leave a Reply

Your email address will not be published. Required fields are marked *

Scroll Up