Cok.Pudence Rubingisa yahawe ububasha n’umuyobozi w’agateganyo Parfait Busabizwa

Umuyobozi w’agateganyo w’Umujyi wa Kigali ucyuye igihe, Parfait Busabizwa, yahereje ububasha umuyobozi mushya Pudence Rubingisa, inama njyanama icyuye igihe nayo ihereza ububasha inshya.

Uyu muhango wabaye ku gicamunsi cyo kuri iki Cyumweru ku biro by’Umujyi wa Kigali biherereye mu Karere ka Nyarugenge.

Athanase Rutabingwa wari Perezida w’Inama njyanama y’Umujyi wa Kigali icyuye igihe yahereje ububasha Bayisenge Jeannette uyoboye inama njyanama nshya.

Kuri uyu wa Gatandatu nibwo habaye amatora y’abayobozi bashya b’Umujyi wa Kigali, aho Rubingisa Pudence yatorewe kuyobora Umujyi wa Kigali muri manda y’imyaka itanu, yungirijwe na Dr Nsabimana Erneste ushinzwe Imiturire n’Ibikorwa remezo na Umutoni Gatsinzi Nadine ushinzwe imibereho myiza n’ubukungu.

Hatowe kandi biro y’inama njyanama iyobowe na Bayisenge Jeannette yungirijwe na Kayihura Muganga Didas, umunyamabanga aba Baguma Rose.

Mu bajyanama bandi batowe harimo Kayihura Muganga Didas na Rutera Rose bahagarariye Akarere ka Kicukiro; Rubingisa Pudence na Rose Baguma bahagarariye Gasabo; Umutoni Gatsinzi Nadine na Mutsinzi Antoine bahagarariye Nyarugenge.

Abo biyongereye ku bajyanama bashyizweho na Perezida Paul Kagame ari bo Dr. Jeannette Bayisenge, Gentille Musengimana, Gilbert Muhutu, Regis Rugemanshuro na Dr. Ernest Nsabimana.

Busabizwa (ibumoso) ahereza ububasha umuyobozi mushya Rubingisa

Rutabingwa Athanase (iburyo) ahereza ububasha Bayisenge Jeannette umuyobozi mushya wa Njyanama

Abayobozi bashya b’umujyi wa Kigali n’abacyuye igihe bafata ifoto y’urwibutso

Leave a Reply

Your email address will not be published. Required fields are marked *

Scroll Up