Leta ya Nouvelle Zélande yaciye ikoreshwa ry’intwaro zose za Gisirikare ziri mu baturage

Share

Leta ya Nouvelle Zélande yaciye ikoreshwa ry’intwaro zose za Gisirikare ziri mu baturage nyuma y’igitero giherutse kugabwa ku musigiti mu Mujyi wa Christchurch kigahitana abantu 50.

Minisitiri w’Intebe, Jacinda Ardern, yatangaje ko hagiye no gutegurwa itegeko rishya ryemerera abantu gutunga intwaro rizasohoka bitarenze tariki 11 Mata uyu mwaka.

Umwicanyi ukekwaho kwica abaturage mu musigiti wa Al Noor bivugwa ko yifashishije imbunda zirimo iyo mu bwoko bwa AR-15 nkuko BBC yabitangaje.

Minisitiri w’Intebe Jacinda Ardern yatangaje ko hashyizweho uburyo bwo kugarura imbunda ku bazifite bamaze kuzigura bagasubizwa amafaranga yabo, abashaka insha bo ntazo bemerewe guhabwa.

Kwishyura abagaruye imbunda zabo biratwara Nouvelle Zélande miliyoni 138 z’amadolari ariko Minisitiri w’Intebe yavuze ko nubwo ari menshi bagomba kuyishyura mu kurengera umutekano w’abaturage.

Umuturage utaratanga imbunda atunze arafatwa nk’uyitunze mu buryo butemewe n’amategeko.

Umugabo wo muri Australia Tarrant Brenton ni we wagejejwe mu rukiko akekwaho kugaba igitero cyahitanye abantu 50.

Imbunda zirimo izo mu bwoko bwa AR 15 zaciwe muri Nouvelle Zelande

Share

Leave a Reply

Your email address will not be published. Required fields are marked *

Scroll Up