Umunyamideli Kim Porter wakundanye na P. Diddy yasanzwe mu nzu yapfuye.

Share

Ku wa 15 Ugushyingo 2018, Umunyamideli Kim Porter wakundanye na P. Diddy imyaka 13 bakabyarana abana batatu, yasanzwe mu nzu ye i Los Angeles muri Leta Zunze Ubumwe za Amerika yapfuye.

Image result for kim porter

Urupfu rw’uyu mugore wakundanye na P.Diddy igihe kinini rwashenguye benshi. Kim Porter wari ufite imyaka 47, yapfuye yari amaze iminsi arwaye indwara zirimo izo mu buhumekero.

P. Diddy ari mu batarahwemye kugaragaza amarangamutima yatewe n’urupfu rw’uyu mugore. Kuri iki Cyumweru yashyize ku rukuta rwe rwa Instagram ari kumwe na Kim Porter arangije ashyiraho akamenyetso kerekana ko yashengutse umutima.

Related image

Umwe mu bamukurikira yahise ajya ahatangirwa ibitekerezo avuga ko Kim Porter akiriho uyu mugabo atigeze yifuza gushyingiranwa na we. Ati “Igihe yari ariho ntiwigeze wifuza gushyingiranwa nawe. Biteye urujijo.”

P. Diddy mu gusubiza yagaragaje ko nawe yihemukiye, ati “Ndabizi. Naribeshye […]”.

Kim Porter yakundanye na P. Diddy kuva mu 1994, mu rukundo rwabo akenshi bagiye bakunda gushwana bakongera bakiyunga ariko mu 2007 ruza kugera ku ndunduro.

Bari bafitanye abana batatu barimo impanga z’abakobwa zavutse mu 2006, Jessie James na D’Lila ndetse n’umuhungu witwa Christian wavutse mu 1998.

Yari afite undi mwana witwa Quincy Brown yabyaranye n’umuhanzi Al B. Sure! Bakundanye mbere ya P. Diddy.

Kim Porter yapfuye amaze iminsi mike we na P. Diddy n’abana bagaragaye mu ruhame bari kumwe ubwo umuhungu w’imfura w’uyu mugore witwa Quincy Brown yamurikaga filime yitwa Holiday Calendar.

Ifoto ya P.Diddy na Kim Porter yayiherekesheje akamenyetso kerekana ko umutima we ushenguwe

Kim Porter yapfuye aherutse gufotorwa ari kumwe na P Diddy n’abana batatu babyaranye (uwo batabyaranye ni umusore wambaye ikote)

P.Diddy yabwiye umwe mu bakunzi be ko yicuza kuba atarashakanye na Kim Porter

Share

Leave a Reply

Your email address will not be published. Required fields are marked *

Scroll Up