Saturday, September 26
Shadow

Uruganda rukora inkweto rwa Puma rugiye gushyira hanze urukweto rufite ikoranabuhanga

Share

Uruganda rukora inkweto rwa Puma rugiye gushyira hanze urukweto rufite ikoranabuhanga rituma imishumi yarwo yifunga bidasabye ubufasha bwa muntu.

Mu ntangiriro abafite telefoni za iPhone cyangwa Apple Watch nibo bazabasha gutunga izi nkweto

Mu ntangiriro abafite telefoni za iPhone cyangwa Apple Watch nibo bazabasha gutunga izi nkweto

Izi nkweto zizajya hanze mu 2020, zizaba zigura amadolari 330, zakozwe mu rwego rwo guhangana n’uruganda Nike rusanzwe ruzwiho kugira inkweto zikundwa n’abatari bake.

CNBC ivuga ko izi nkweto za Puma zahawe izina rya ‘Fi’ zifite imishumi yifunga, zizajya ziba zifite batiri ishobora gushyirwamo umuriro hakoreshejwe agakoresho katagira umugozi.

Izi nkweto zikoreshwa na batiri na 'app' ishyirwa muri iPhone cyangwa Apple Watch

Izi nkweto zikoreshwa na batiri na ‘app’ ishyirwa muri iPhone cyangwa Apple Watch

Zizakoresha kandi porogaramu ‘app’, izajya ituma imigozi ibasha kwifunga mu kigero umuntu ashaka, cyangwa ukaba wahindura unyujijeho urutoki gusa.

Nubwo kugeza ubu zishobora gukoreshwa n’abatunze iPhone cyangwa Apple Watch, mu minsi mike zizongerwamo uburyo buzatuma abatunze telefoni zikoreshwa na ‘Android’ bazitunga.

Izi nkweto zizajya hanze umwaka utaha zizaba ziri ku giciro cyo hasi ugereranyije Adapt BB yakozwe na Nike nayo ifite ubushobozi bwo kwifunga, kuko yo izaba igura amadolari 350.

Ubwo hagaragazwaga uko izi nkweto zizaba zimeze, igikorwa cyabereye mu mujyi wa Hong Kong, Umuyobozi ushinzwe udushya muri Puma, Charles Johnson, yatangaje ko icyo bifuza ari ugufata ikoranabuhanga riri mu buryo bw’intekerezo rigatangira kubyazwa umusaruro mu buzima busanzwe.

Puma iza ku mwanya wa gatatu ku Isi mu gukora inkweto zifashishwa n’abakina imikino itandukanye, ikurikira Adidas na Nike.

Leave a Reply

Your email address will not be published. Required fields are marked *

Scroll Up